Google ADS

Simiq: Presioni mbi serbët në Kosovë po vazhdon

23:38 | 30 Dhjetor 2018
Arbresh.info
Nënkryetari i Listës Serbe, Igor Simiq vlerësoi  se Prishtina vazhdon të ushtrojë presion ndaj serbëve në Kosovë me heshtjen absolute të ndërkombëtarëve.

“Siç filloi edhe po mbaron ky vit, kanë ndodhur një serë presionesh dhe aktivitetesh të ndryshme, që synojnë të komplikojnë jetën e serbëve në Kosovë nën heshtjen absolute të bashkësisë ndërkombëtare”, tha Simiq për RTS duke u përgjigjur rreth deklaratës së kryeministrit të Kosovës, Ramush Haradinaj se kufiri Kosova -Shqipërisë nuk ekziston më, transmeton lajmi.net.

Sipas tij, fakti është se përfaqësuesit shqiptarë në Prishtinë nuk veprojnë vetëm, por me bekimet, qëndrimin dhe mbështetjen e përfaqësuesve ndërkombëtarë.

Ai përsërit se Prishtina po përpiqet të parandalojë që serbët të jetojnë në Kosovë me qëllim, që siç thotë ai, të largohen nga rajoni në rrethana kur nuk mund ta rrumbullakojnë  vendin e tyre ndërkombëtarisht.

“Unë duhet t’i informojë ata se kjo është e pamundur dhe e papranueshme për këtë popull”, përfundoi Simiq. /Lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm